Aparıcı Səidə Bəkirqızı qalmaqal yaşadığı müğənni Rəqsanə İsmayılocanın həbs olunmasını istədiyini söyləyib.
Bu barədə o “TV Müsavat”da danışıb.
S. Bəkirqızı deyib ki, Rəqsanənin 6 aylıq həbsini tələb edə bilər: “Mən onun həbsini tələb edəcəm. 6 aylıq həbs tələb edərəm onunla bağlı. Dedim yenə də mən şərəf və ləyaqətimi nə 100 minə, nə 50 minə, nə də 10 minə satmaram.
Çünki mənim həyat tərzim pulla ölçülən həyat tərzi deyil. Mən onun bir mənalı şəkildə həbsini tələb edəcəm. Biz jurnalistlər artıq ağzımızı aça bilmirik və cəmiyyətə elə gəlir ki, biz ancaq onlara uşaq pulu tələb eləməliyik. Bir də maaşları yüksək olsun.
Nə soyunandan danışa bilirik, nə efirdə gedən özbaşınalıqdan danışa bilirik, nə haqq səsimizin boğulmasından danışa bilirik. Bir adamın adını çəkməyə peşimansan.10 qurumdan zəng edirlər sənə. Niyə, nə olub? Bu dövlətə xidmət eləyirik.
Prezidentin tələbini şəxsən öz adıma deyirəm, jurnalist kimi yerinə yetirirəm. Siqnal ötürməsəniz, xəbərim olmaz deyir cənab Prezident. Son dəfə kütləvi yerli televiziyadan olan jurnalist həmkarlarımızla görüşəndə dedi, siz siqnal ötürməsəniz, mənim xəbərim olmaz. Siz bizim səsimizi niyə boğursunuz ki? Niyə qoymursunuz ki, problemləri işıqlandıraq?
Və mən heç kimə, heç bir çörək bişirənə demirəm ki, bunun mayasını çox qat. Çəkməçiyə demirəm ki, onun mismarını çox vur. Bina tikənə demirəm ki, onun arasındakı sementi bir az qalın yapışsın. Qoyun, biz işimizlə məşğul olaq da. Bu gün biz bu işi görürük və biz vicdanımızla görürük. Biz heç kimin pulu ilə danışmırıq, heç kimin pulu ilə susmuruq.
Sizə və özümə aid olaraq deyirəm. Digər həmkarlarım kim necə işləyərsə, özləri bilər, Allah hamısının ruzusunu yetirsin. Biz heç kimin sözü ilə heç kimi aşağılamırıq. Və indi qəribədir ki, jurnalisti bilirsiniz nə edirlər? Dördüncü, hakimiyyətdir KİV. Bizim bir sözümüzü indi görürsünüz nə edirlər? Mən bir dənə dediyim gündəm oldu, aləm dağıldı, heç istəmirəm gündəm olum.
Zatən başım ağrıyır artıq nə qədər gündəm, gündəm, gündəm, gündəm.
Amma mən belə baxa bilmirəm də, mən belə ötə bilmirəm. Deyirəm yəni, nə baş verib? Quran, Tövrat, İncil bizə heç nə öyrədə bilmədi. Biz hansı dini kitabdan öyrənəcəyik bu əxlaq normalarını?! Bir də ki, insan birinci danışmazdan öncə özünə baxar.
Rəqsanə İsmayılovanı kimsə inandırmışdı ki, o, məni keçmişim ilə vura bilər. Amma Rəqsanənin diqqətinə çatdırıram ki, mən çox az aparıcılardanam ki, o, mənim keçmişimdə heç nə tapa bilməz. Heç nə tapa bilməz mənim keçmişimdə. İkincisi də ki, kişi qızısan, ortaya faktı qoy, faktdan danış. Ona görə də yenə deyirəm, babamın aşağılanması, uşaqlarıma yetiminə zəhər ver deməsi ondan da keçərdim, amma atam var. Gəl, ərim bir gün sənə söhbət eləsin.
Bir şeyi də deyəcəm buradan. Əziz xanımlar, biz ərimizin güzgüsüyük. Ərimiz nə qədər qeyrətli və nə qədər qeyrətsizdirsə, onu biz göstəririk. Və hər kəsin ərinin adı onun arvadının yanında çəkilir. Və kimin ərinin qeyrət, namus, ölçüsü nə qədərdirsə, bu gün onun arvadının geyimindən də bilinir, arvadının küçə sözü ilə danışmağından, özünü aparmağından və ya abırlı olmağından da bilinir. Yəni elə şeylər var ki, sadəcə o efirdir onu demək olmaz. Amma hamı çönsün bir özünə baxsın.
Bir belə üstdən aşağı lüt qoyduğu hissəsi var idi. Bir ona baxsın. Görsün haradan gəldilər, hara getdilər, kimilərə nə dedilər. Bu gün jurnalistləri, haqqı deyən jurnalistləri, bu qədər alçaltmaq olmaz”. / Bizim.Media