Əməkdar artist Coşqun Rəhimov sosial verilişləri tənqid edib.
Aktyor "Şən gənc" verilişində sosial verilişlərin parodiya edilməsi səhnəciyinə münasibət bildirib. O, sosial verilişlərin efiri zəbt etdiyini deyib:
"Reallığı göstərirlər. Verilişlərimiz bərbaddır. Bəzi verilişlər var... Bilirik, görürük... Nə yazıq ki, belə mövzular hələ də var. Yaraşmayan insanı reytinq xatirinə gətirib verilişdə işıqlandırmaq, müzakirə edib, müqabilində pul qazanmaq. Televiziyanı bu cür mövzular zəbt edib".
Qeyd edək ki, sujetdə 4 uşağını atıb, qaynı ilə qaçan qadın, efirdə dava edən şəxslər və qeyri-etik ifadələr işlədən psixoloq əks olunub. / Axşam.az
